شربتها يا مغفل

امى بتقوللى ماتنزل ياحبيبى ترمى الزبالة دى ينوبك ثواب
قلتلها تدفعى كام
ولأول مرة وبكل عفويه لقيتها بتقللى هاديك ٥٠ جنية
اقسم بالله انا ماصدقتش نفسى قلتلها هاااااتى الأول
راحت مديانى ال٥٠ جنية نزلت وقبل ماطلع لقيتها بترن علي بتقللى معلش ياحبيبى عشان عايزة اعملكوا الغدا هاتلى بصل وخيار وطماطم من السوق..

قلتلها مش معايا فلوس قالتلى هات من ال٥٠ جنية ولما تيجى نتحاسب
قلت ماشى رجعت البيت اديتها الحاجه بقلها فين ال٥٠ جنية ادتنى على قفايا وقالتلى يحموك فى كنكة
شربتها يامغفل
انا لغاية دلوقتى قاعد مصدوم بفكر ازاى دماغها وصلتها انها تضرب عصفورين بحجر رميت الزبالة واتسوقت ببلاش
الأم الحنينة رزق..
#مختارات_الشارع_العربي