شلاضيمو

وجه فني مألوف للبعض في أفلام الأبيض والأسود دائمًا كان يظهر في أدوار الشر.
حب راقصة وكانت سبب دخوله الإسلام وبسبب حبها جاله اكتئاب
#شلاضيمو هذا اسمه الحقيقي، من مواليد بني سويف سنة ١٩٠٥
لما دخل الفن كان فيه راقصة مشهورة وقتها اسمها زينات علوي
شلاضيمو حب زينات بجنون وراح قالها أنه بيحبها وعايز يتجوزها، زينات ضحكت وقالت له مينفعش أنا مسلمة وأنت مسيحي، راح شلاضيمو للأزهر وأعلن اسلامه ورجع لها تاني يطلبها للجواز. هنا بقى كانت الصدمة الكبيرة له لما قالت له: بقى أنا #زينات_علوي اللي بيجري ورايا رشدي أباظه أتجوز كومبارس زيك أنت!
دخل شلاضيمو في حالة اكتئاب وبعدها فكر في الدين الجديد الذي دخله عشان واحدة بيحبها،

ما هذا الدين ؟وبدأ يتعمق فيه ويلزم المساجد ويقرأ القرآن.
قصته انتشرت في الوسط الفني كله وقتها واتعرف أنه نفسه يطلع الحج فتكفل الفنان #عماد_حمدي برحلة الحج لشلاضيمو وطلع مع بعض من الفنانين فعلا وهناك مات على جبل عرفات ودفن هناك..
شلاضيمو كانت ملامحه حادة ومخيفة للبعض لكنه امتلك قلب من ذهب وأخلص لله فنال جائزته

حسن حسنين#الشارع_العربي