كيف نستغل احتياج الآخرين؟

#كيف_نستغل_احتياج_الضعفاء
في أحد المشاهد اللي محدش انتبه لأهميتها في فيلم اضحك الصورة تطلع حلوة ..

سامي سرحان كان رجل أعمال قرر في أحد حفلاته يرمي مفتاح عربية في البيسين و اللي يلاقي المفتاح يفوز بالعربية و قعد يدبدب في الأرض من شدة استمتاعه بمنظر المليونيرات و هم بيرموا نفسهم في المياة بحثاً عن العربية

لحد ما أحمد زكي لاقاها , فرفض يديهاله , وقاله انت جاي تصور بس !!

و ده سلوك مرضي بتلاقيه عند ناس كتير بتستمتع و هي بتدي الناس اللي مش محتاجة و بتنشف ريق المحتاج

الحقيقة افتكرت المشهد ده لما أحد رجال الأعمال عرض مكافأة ١٠ مليون جنيه للاعبي المنتخب لو فازوا و هم كلهم مش محتاجين و مليونيرات !

١٠ مليون جنيه خرجوا بمنتهي السهولة في حين لو الموظفين عنده طلبوا علاوة و لا خريج جديد طلب مرتب عدل هتطلع ألف حجة عن السوق اللي نايم و السيولة التي لا تسمح

ربنا يصلح الأحوال … لكن نفسنا نلاقي الفلوس بتطلع في محلها و في الإتجاه الصح و للي يحتاجها و اللي يستحقها

أحمد #الشارع_العربي